புலவர்மைந்தன்

கண்ணிமை மூடினால் என் நினை நீீீீயடி, என் மனம் சுத்துதே உன்னையே தாணடி, உயிரென தாங்குவாய் என்னவள் நீயடி, என்றுமே நீயடி என் இரண்டாம் தாயடி... --புலவர்மைந்தன்

ஒன்றாகி ஓடிய ஒன்பது ஆண்டுகள், இன்றாகி போலவே இனிய நம் நினைவுகள், என்றாகி(என்றுமாகி) வேண்டிடும் என் உயிர் நுண்துகள்.., அன்பாலே மலர்ந்த நம் அதிரலாம் அடுக்ககம், நீளட்டும் மலர்ச்சியாய் என்றுமே நம்மாலே.. -- புலவர்மைந்தன்

 ஒரு பொருள் இருவேறு பரிணாம கவிதைகள்: கவிநடை: ஆயிரம் தேவதை ஓய்வு நாள் இன்று, மலர்களும் மலர்ந்திட மறந்தன அன்று, பேதயாய் பெதும்பயாய் மங்கயாய் நின்று, ஆதலால் காதலால் என்னகம் சென்று, தற்காத்துத் தற்கொண்டாற் பேணியே நின்று, தகைசான்ற - சொற்காத்துச் சோர்விலா சுரிகுழல் நீ என்று, தென்றலின் எளிய நின் உளம் போல் அகன்று, கரைசேருமே என்வாழ்வு உன்னுடன் இணைந்து.. ஹைக்கூ: ஓராயிரம் தேவதை ஓய்வு நாள், ஈராயிரம் மலர்கள் மெய்மறந்த நாள், அது - என்னவளின் பிறந்த நாள்.. -- புலவர் மைந்தன்

கருவறை இருட்டில்  உயிர் விளக்கேற்றி, உதிரத்தை உருக்கி உணவாய் அளித்து, வலி பல கடந்து உயிராய் திரித்து, உறக்கம் தொலைத்து இமைக்க மறந்து, அவயத்து நிறுத்தினாய் முன்னே! தாயவள் தாய்மடி தவழும் ஓர் குழந்தையாய்  என்றுமே உன்னடியில் நான்! --புலவர் மைந்தன்

வெளிகொடா, என்றும் வெளிப்படா, யாரும் வழிபடா, நிதானம் - தந்தை அன்பு! -- புலவர் மைந்தன்